Vieiros

Véspera do Día de Galiza, hoxe, 24 de xullo, a língua galega recibe outra labazada máis. O diario dixital Vieiros pecha.

MÁGOA.

José Saramago

A pouco máis de un mes do pasamento de Saramago quixera lembrar a súa figura na Taberna, o seu legado. Lembrar os momentos deliciosos e brillantes de "O Evangelho Segundo Jesus Cristo", por poñer un caso. Lembrar que defendía o que para moitos hoxe é indefendible e que o expresaba sen complexos:
"Non me parece que (Chávez) sexa populista. Iso é un pexorativo para alguén que se preocupa directamente e sen ningún disfrace pola mellora de clases que durante xeracións e xeracións non saíron da miseria", expresou o escritor portugués a xornalistas na cidade colombiana de Cartagena. En opinión de Saramago, Chávez "está usando dun xeito correcto a riqueza" cuxa otixe é o petróleo, do cal Venezuela é o quinto exportador mundial, pero como todo o mundo non ten a mesma visión, moitos acúsano de demagoxia.
(Tirado de Vieiros: http://www.vieiros.com/nova/59765/segundo-saramago-a-chavez-chamano-populista-por-preocuparse-polos-pobres)

Días quentes

A corrente de aire é practicamente inexistente, malia a ter tódalas fiestras abertas. O ambiente que se respira na taberna é pesado, coma se se puidera apalpar coas mans. A calor, abafante.